পূৰ্বতে তেওঁলোকে নানা দেৱ দেৱতাক  পূজা কৰিছিল ৷ এতিয়া বৌদ্ধ আৰু খ্ৰীষ্টান ধৰ্ম গ্ৰহণ কৰাৰ পিছত নকৰা হ‘ল ৷ তেওঁলোকৰ মাজত নানা ধৰণৰ নৃত্য গীতৰ প্ৰচলন আছে ৷ ইয়াৰ উপৰি বিভিন্ন সাধুকথা মুখে মুখে চলি আহিছে ৷ টাংচা সকলৰ প্ৰধান নৃত্যৰ ভিতৰত ৱাৰা,ৱাৰাচি,আৰু চাপলু নৃত্য অন্যতম ৷

অসমৰ টাংচাসকলৰ মাজলৈও ভাষিক আৰু সাংস্কৃতিক সংকট আহিছে ৷ তেওঁলোকো অস্তিত্বৰ সংগ্ৰামত লিপ্ত হব লগা হৈছে ৷

টাংচাসকল থকা মালৌপাহাৰ,হঞ্চু,ৱাৰা আদি অঞ্চলবোৰ বৰ ধুনীয়া , প্ৰকৃতিৰ লীলাভূমি ৷ কিন্ত বৰ দূৰ্গম ৷ বাটপথৰ সুচল ব্যৱস্থা নাই  ৷ তথাপি ৱাৰালৈ দুবাৰ গৈছোঁ,ইমান আতিথ্য জীৱনত পাহৰিব নোৱাৰি ৷ দিনকাল ভাল হওক,আকৌ যাম,আপোনালোকো আহিব নাগালেণ্ডৰ নগাসকলতকৈ পৃথক জীৱনশৈলীৰ আমাৰেই ভাইভনীহতঁক চাবলৈ…