কেতিয়াবা মই আহিম
ৰ’দৰ চিঠি হৈ
আকাশৰ ঠিকনা লৈ…
কালৰাত্ৰিৰ পিছত নতুন
ঊষাৰ বাতৰি লৈ,
নতুন আশা লৈ…
নিৰস্ত্ৰ নাৰীৰ অস্ত্ৰ হৈ,
জাৰত জুপুকা মাৰি থকা
বৃদ্ধৰ উষ্ণ চাদৰ হৈ ….
বুভুক্ষ শিশুৰ ক্ষুধাৰ অন্ন হৈ….
ইউক্রেন,ইজৰাইলৰ শূণ্য
ৰাজপথত নতুন যীশু হৈ…
ভৰ বাৰিষাত মহাবাহু হৈ,
গঙ্গোত্ৰীৰ পৰা পতিত পাবন হৈ,
প্ৰেমৰ ফল্গুধাৰা হৈ,
মোৰ প্ৰিয় পুৰুষ, প্ৰিয় নাৰীৰ
হৃদয়লৈ কল্ললিনী
তিলোত্তমা হৈ…
নৈ পৰিয়া শিশুৰ হাতৰ
পেঁপাটো হৈ
গধূলি গৰখীয়াৰ বাঁহী হৈ,
অপেক্ষাত ক্লান্ত হোৱা উর্মিলাৰ