জীৱনৰ মান অভিমান
জীৱনৰ অৰ্থহীন খেলা
জীৱনৰ হাঁহি কান্দোন
জীৱনৰ দুদিনৰ মায়া।

পোৱা নোপোৱাৰে সংগ্রাম কৰি জীৱনৰ ভাগৰ
মিছা এয়া ক্ষণৰ হাবিয়াস,
খন্তেকৰ মাথোঁ এটা টান উশাহৰ
উশাহ এৰিলে চিৰদিনৰ বাবে সকলো শেষ।

জীৱনৰ মান অভিমান
জীৱনৰ ধন সম্পত্তি,
আপোন পৰ,
সময় আহিলে কামত নিদিয়ে একোৱেই
এটান উশাহক বাধা দি ৰাখিবলৈ সাধ্য নাই একোৰেই ।

তথাপিও কিয় জীৱন সন্তুষ্ট নহয়
এজনে আনজনৰ লগত যুঁজি আহৰি নাপায় ?জীৱনৰ মায়া মৃগৰে প্ৰতাৰিত হৈ
জীৱনৰ অন্ত হয় তেনেকৈয়ে সকলো আধাতে এৰি !